ஆணாதிக்கவாதிகளால் அவமானப்படுத்தப்படும் பெண் பதிவர்கள்!

மெல்லிதாய் மேலெழும்பி
நாள் தோறும் புலர்ந்து மறையும்
வலையுலக நாழிகைகள் நடுவே
தொலைந்து போகின்றன
எங்களின் உணர்வலைகள்!
நிரூபனின் நாற்று
ஆண்கள் மட்டும் தான்
அதிகம் எழுதலாம் என்பதும்
அவர்கள் மட்டும் தான்
தம் உணர்வுகளை
உச்சுக் கொட்டலாம்
என்று கூறுவதும்
யார் இங்கு இயற்றி வைத்த
சட்டமோ தெரியவில்லை!

எங்களுக்குள்ளும் சாதாரண
மனிதர்களைப் போன்ற
மன உணர்விருக்கும்,
எம் உணர்வுகளுக்கு
உருவம் கொடுத்து
எழுதிட இணையம்
வாய்ப்புத் தந்தது- ஆனால்
எம் இடையே உள்ள
பச்சோந்திகளும், நரிகளும்
காழ்ப்பில் எம்மைக் கொல்கிறார்கள்;
காம சுகம் தேடும்
மோகத்தில் அலைந்து
காறி உமிழ நினைக்கிறார்கள்!நிரூபனின் நாற்று 

நாளைய பெண்களின் விடுதலை
நம் உளத்தில் தோன்றும்
இன்றைய வாழ்வின் சிந்தனை
மனதில் எழும் இன்ப
உணர்வுகள் இவை யாவும்
எழுதினாலும்,
எமக்கான பட்டம் வேசை!
சமையல் குறிப்போடு
சங்கதிகள் பல சொல்லின்
எமக்கான பெயர்
சக்களத்தி!

காதலைப் பற்றி பெண்
கவிதை பாடினால்
அவளைப் பின் தொடர்ந்து வந்து
காமத்திற்காய் சுகம் தேடி
அலைந்து இம்சையை கூட்டுகின்றன
இதயமற்ற நெஞ்சங்கள்!

முதலில் எம்மைப் பின் தொடர்ந்து
அழகிய கருத்துச் சொல்கிறார்கள் சிலர்
மெதுவாய் மை பூசும் வார்த்தை பேசி
எம் மின்னஞ்சல் எடுத்து
அதில் அன்பெனும் களிம்பு தடவி
சகோதரனாய் உறவாடி,
சற்றே நாம் நிலை தளர்ந்து
ஒரு பொதுவான விடயத்தை
வெளியில் பதிவாக்கிச் சொல்லியதும்,
உனக்கும் அனுபவமோ என கேட்டு
காயம் செய்கின்றன காட்டுப் பன்னிகள்!
நிரூபனின் நாற்று
மூன்று நாள் பதிவெழுதவில்லை எனில்
உனக்கு பீரியட்ஸ் வந்தால்
பதிவுலகிற்கும் பீரியட்ஸோ என
பிளிறுகின்றன சிலம்போசை
எழுப்பும் நயவஞ்சகப் புல்லுருவிகள்!

பெண்கள் இத்தகைய வரையறைக்குள்
வாழ வேண்டும் என்பதில்
மட்டும் கருமமே கருத்தாய் உள்ள
சீழ் கட்டிய செத்து விட்ட
உக்கி உலர்ந்த மனங் கொண்ட
கீழ்த் தரமான ஆண்களோ,
வெளி உலகின் பார்வைக்கு
முக்காடு போட்டு நடந்து,
உள் உலகில்
எம் மெயில் பெட்டி தேடி
மின்னஞ்சல் ஊடே அந்தரங்கம்
விசாரித்து அற்ப சுகம் காண்கிறார்கள்!!

இன்பமெனும் வார்த்தை
எம் பதிவுகளில் வந்தால்
உனக்கும் அனுபவமோ என
ஆளைக் கொல்லும்
சுனாமியாய் பொங்குகிறார்கள்!
உடலுறவு எனும்
வார்த்தையை கையாண்டால்
உனக்கும் விருப்பம் இருந்தால்
வெளியே சொல்லென
உணர்ச்சி பொங்க(ப்)
பேசுகிறது இந்தச் சமூகம்!
நிரூபனின் நாற்று
நாம் எது எழுதினாலும்
ஒரு அளவீடு கொண்டு
எம் மனங்களை மட்டும்
அளக்கத் துடிக்கும்
ஆணாதிக்கவாதிகளால்
காற்றில் பறந்து தொலைகின்றன
எம் கற்பனைச் சிதறல்கள்!

பெண் ஒரு வரம்பினுள்
வாழ வேண்டும் என(க்)
கூப்பாடு போட்டு
வெளியே சமூக காவலர்களாய்
நடிக்கும் சிறிய மனங்களின்
நரகச் செயல்களால்
நாளாந்தம் அமிழ்ந்து நசிகிறது - எம்
எழுத்துக் கிறுக்கல்கள்!

ஆணாதிக்கம் என்றால்
வெளியே நல்லவர் போல் நடித்து
பெண் பதிப்புக்களை
நல்லவராய் விமர்சித்து
பின் அவள் மெயில் பெட்டியூடே
அந்தரங்கம் கிளறுவது தான் என்பது
என்னைப் போல்
எத்தனை அப்பாவிப் பெண்களுக்குப் புரியுமோ?

எதிர்காலம் தொலைக்கப்பட்டு
எழுத்துச் சுதந்திரம் பறிக்கப்படும்
நாளாந்தம் இங்கே துகிலுரியப்படும்
பெண்களின் உணர்வுகளில்
எத்தனை தான் வெளியுலகிற்கு தெரிகின்றனவோ!

ஐயகோ ஆணாதிக்கமே
காலாச்சாரம் கட்டி(க்)
காக்கத் துணியும்
காவல் போலிசுகளே!
இப்படி எத்தனை பெண்களின்
வாழ்க்கையினை சீரழித்து(ச்)
சுகம் காண்பீர்!!

பண்டைய நாகரிக மரபில் திளைத்து
படித்து பட்டம் பெற்றும்
பெண்ணுக்கான வரம்பு
இது என நிர்ணயம் செய்யும்
இன்றைய ஆணாதிக்கவாதிகள்
இருக்கும் வரை
எம் உணர்வுகள்
வெளித்தெரியாதென்பது மாத்திரம் நிஜம்!!!

பிற் சேர்க்கை: வலையுலகில் இந்த வருடத்தின் நடுப் பகுதியில் காலாச்சார காவலர்களால் விரட்டியடிக்கபட்டு, தற்போது, சைபர் கிரைம் வழக்கினை அக் கலாச்சாரக் காவலர்களுக்கெதிராகத் தொடுத்துச் சென்னையில் தானும் ஒரு புதுமைப் பெண் என்பதை நிரூபிக்கும் முகமாய், வலைப் பதிவு மூலமாக நண்பராகிப் பாலியல் துன்புறுத்தல் செய்த பிரபல பதிவருக்கெதிராக வழக்குத் தாக்கல் செய்து வெற்றி பெற்ற, முகம் தெரியாத அந்தச் சகோதரிக்கு என் இக் கவிதை சமர்ப்பணம்! 
****************************************************************************
அன்பு இவ் உலகின் எல்லாப் பகுதிகளிலும் நிறைந்திருந்தால் வன்முறைகள் நிகழாதல்லவா. அது போலத் தான் அன்பு உலகத்தில் நாம் வாழ்ந்தால் எம் வாழ்வில் சிக்கல்கள் தோன்றாதல்லவா. 


அன்பு உலகம் பதிவுலகில் எங்கே இருக்கிறது என்று கேட்டால், நீங்கள் அதிகம் யோசிக்கத் தேவை இல்லை. காரணம் விடை உங்கள் கண் முன்னே இருக்கின்றது. 


பதிவர்கள் அனைவருக்கும் தேவையான ஆரோக்கியமான தகவல்கள், மருத்துவக் குறிப்புகள், இடையிடையே தொழில்நுட்பத் தகவல்கள் எனப் பல தகவல்களையும் தன் அன்பு உலகத்தில் பகிர்ந்து வருகிறார் சகோதரன் ரமேஷ் அவர்கள். (M.R)


சகோதரன் ரமேஷ் அவர்களின் அன்பு உலகம் வலைப் பூவிற்கு விஜயம் செய்து உங்கள் ஆதரவினையும் அவருக்கு வழங்கிட:
http://thulithuliyaai.blogspot.com/
*******************************************************************************
முக்கிய குறிப்பு: இன்ட்லி ஓட்டுப் பட்டையில் ஓட்டுப் போட முடியவில்லையே எனும் உறவுகளின் வேண்டு கோளுக்கமைவாக, இன்ட்லியில் ஓட்டுப் போடுவதற்கான இணைப்பினை இங்கே பகிர்ந்துள்ளேன். 
இன்ட்லியில் ஓட்டளிக்க:

Share