நடு ரோட்டிற்கு வந்து விட்ட நாய்(க்) காதல்!

சும்மா இருக்கும் சங்கை ஊதிக் கெடுத்தல்! 

கலியாணம் கட்டச் சொல்லி 

கசின் ஓட்ட வடை சொல்லுறான்;

பலியாடு நானாகப் பார்த்துச் சிரிக்கவோ?

விலையின்றி மோதிரங்கள், விளையாடப் பல பொருட்கள்

சுளையாக கிடைத்திடுமாம்- ஆனாலும் அவனோ

சும்மா கிடந்த சங்கை ஊதி(க்) கெடுத்திடப் போடுகிறான் திட்டம்

சுதந்திரத்தை நான் இழந்து பெட்டிப் பாம்பாய் ஆகுவதில்

அவனுக்கு இப்போது இருக்கிறதாம் இஷ்டம்! 

ஐயகோ ஆளை விடு முருகா!

எஞ்ஜினியர் ஏகாம்பரம் ஏறாவூரு போனார்

றஞ்சினியை பைக்கில் ஏற்றி லவ்சு விட்டுப் பார்த்தார்

அஞ்சு மணி ஆனதுமே அம் மணமாய் ஆனார்

பஞ்சு மெத்தை மீதினிலே பம்பரமாய் சுழன்றார்

வஞ்சியவள் மொழி கேட்டு வாழ்க்கையினை இழந்தார்

பஞ்சணைக்கு(ப்) பதிலாய் ஜெயில் கம்பியிற்குள் கிடந்தார்! 

விண்ணப்பம் கிடைத்தால் விரைந்து வா! 

சின்ன இடை கொண்ட உனை அன்னமென்பதா

கண்ணில் உனை வைத்து நானும் கவிதை சொல்வதா?

என்னை விட உன்னழகை ரசிக்க யாருமில்லையா

பெண்ணே உந்தன் பூவிதழை நான் சுவைக்க ஆசையில்லையா?

மின்னும் உந்தன் வண்ணம் கண்டு, 

மேனியெங்கும் மோகம் கொண்டு

பெண்ணே உனை(ப்) பார்க்க ஏங்கி நிற்கிறேன்

கண்ணில் காமம் தனை ஒளித்து காதலிக்கிறேன்

வன்னி(க்) காட்டில் தொலைந்த உனைத் தேடி காத்திருக்கிறேன்!!

இன்பப் போர்க்களம்! 

அந்தியிலே நிதம் வந்து

அழகான கனவுகளை நீயோ

தந்து விட்டுப் போகின்றாய்

தவிப்போடு இருக்கின்றேன்

சிந்தையிலே பிடித்த பித்தம்

சீக்கிரமாய் தீர முத்தம்

தந்து விடு பெண்ணே தப்பில்லை

பந்து போல என் மனதை

பாய வைத்து(ப்) பார்ப்பதும் ஏன்?

நொந்து போய் இருக்கும் எனை

நோக்கி ஒரு பதில் தா- இளமை(ச்)

சந்தமது கொண்டு சரசமாடுவேன்

விந்தை பல புரிந்து என்

வீரம் காட்டுவேன் வா!!

Share